ሠሞኑን በአንድነት ፓርቲ ‹የሚሊዮኖች ድምፅ ለነፃነት› በሚል 

መሪ ቃል የተጀመረው ዘመቻ አካል አንዱ በተለያዩ ከተሞች 

የሚደረገው ሠላማዊ ሰልፍ ነው፡፡ ታዲያ በየከተሞቹ ያሉ 

የፓርቲው አባላቶች ሠላማዊ ሰልፉን የማስተዋወቅ ስራ 

በሚሰሩበት ወቅት የመታሰር እና የመደብበድ አደጋ 

እየደረሰባቸው እንደሆነ በየቀኑ ከፓርቲው የሚወጡ መረጃዎች 

ይጠቁማሉ፡፡ ይህ በእውነት በጣም የሚያም ነገር ነው፡፡ 

ብሮሸር መበተን ጥፋት የሆነው ከመቼ ጀምሮ ነው? ወይስ 

የተቃዋሚ ፓርቲዎች ሲያረጉት ጥፋት ይሆናል? 

በጣም የሚደንቀኝ ደግሞ የመንግስት እና የመንግስት ደጋፊ 

የሆኑ ጋዜጠኞች/ሚዲያዎች ጉዳይ ነው፡፡ ህዝብን ሳይሆን 

መንግስትን ማገልገል ተቀዳሚም ተከታይም ስራቸው ሆኗል፡፡ 

እንዴት አንዳቸው እንኳን ጉዳዩን በማጣራት ወይም 

የመንግስትን ምላሽ ጠይቀው አይዘግቡም? 

አልሰማንም ማለት የሚችሉ አይመስለኝም፡፡

እንዲያው ነገሩን ለማለት እንጂ፤ ይህን ማሰብ ሞኝነት እንደሆነ ጠንቅቄ አውቃለሁ፡፡