የ2013 የዓለም ምርጥ አትሌት 10 ዕጩዎች ይፋ ሆኑ

የ2013 የዓለም ምርጥ አትሌት 10 ዕጩዎች ይፋ ሆኑ

የዓለም አቀፉ አትሌቲክስ ፌዴሬሽን ማህበር የ2013 የዓለም ምርጥ አትሌቶችን ለመምረጥ በሁለቱም ጾታዎች የመጨረሻ 10 እጩዎችን ይፋ አደረገ፡፡

በሴቶቹ ምድብ መሰረት ደፋርና ጥሩነሽ ዲባባ በሴቶች በምርጫው ተካተዋል ።

በዚሁ ምድብ በጦር ውርወራ የምትወዳደረው ኒውዝላንዳዊቷ ቫላሪ አዳምስ እና ለስዊዲን የምትሮጠው እና ትውልደ ኢትዮጵያዊቷ አበባ አረጋዊ እጩ ሆነው ቀርበዋል፡፡

በወንዶች ምድብ ደግሞ በ800 ሜትር በሞስኮው የአለም አትሌቲክስ ሻምፒዮና የወርቅ ሜዳልያ አሸናፊው መሀመድ አማን ተካቷል።

በኦሎምፒክ እና በአለም አትሌቲክስ ሻምፒዮና የ5 ሺህ እና የ10 ሺህ ሜትር አሸናፊው እንግሊዛዊው ሞ ፋራህ እና ዩዜን ቦልት በወንዶች ምድብ ለአሸናፊነቱ ግምት ያገኙ አትሌቶች ሆነው ታጭተዋል፡፡

በሁለቱም ጾታ የእጩዎች ዝርዝር ኬንያውያን አትሌቶች ያልተካተቱ ሲሆን ፤ የመጨረሻ 3 አሸናፊ አትሌቶችም የፊታችን ጥቅምት 19 ቀን ይታወቃሉ፡፡

ያለፈውን አመት ምርጫ ዩዜን ቦልት እና አሜሪካዊቷ የአጭር ርቀት ሯጭ አሊሰን ፌሊክስ ማሸነፋቸው ይታወሳል።